ايش اسمك؟
من فين ترجع؟
فين ساكن؟ بكم؟ ليه ما اخدتلك مدري فين أحسن وأرخص؟
بكم اخدت السيارة؟ ليه؟ طيب ليه ماخدتلك مدر ايش شكله موديل مدري كم؟
ايش تخصصك؟ ليه؟ طيب ليه مادرست مدري ايه؟ ليه اشتغلت؟ ليه تركت شغلك؟ ليه رحت بعثة تدرس؟ ليه مارحت تدرس؟
فين درست بكالوريوس؟ ايش تخصصك؟ طيب ليه اتخصصت اصلاً؟
ايش بتكمل ماجستير؟ طيب ليه ماتدرس دكتوراة؟ طيب ليش اخترت هذا التخصص؟ مو أحسن لك تكمل نفس البكالوريوس؟
ليش اخترت هذي الجامعة؟ فين درست انجليزي؟ طيب ليه ماتدرس انجليزي ثاني؟ بدأت تدرس على طول؟ طيب ليه ماتدرس لك مواد تقويك فيه تخصصك؟ كم اخدت في التوفل؟ أي مستوى درست؟ فين درست الابتدائي؟
متزوج ولا أعزب؟ طيب لي متزوج؟ وليه أعزب؟ طيب متى حتتجوز؟ طيب ليه ماتقعد اعزب احسلك؟
حترجع في الاجازة؟ ليه حترجع؟ وليه ماترجع؟ أحسلك ترجع وأحسلك ماترجع.
من فين اشتريت الساعة؟ ايش نوع الكولونيا؟ طيب هذي غالية ولا رخيصة؟ مين قلك انه ريحتها حلوة؟ ليه ماتحب البيبسي؟
من فين بتقضي؟ طيب ليه؟ كيف بتروح؟ ليه ماتروح بسيارتك احسلك؟ اصلاً ليه مشتري سيارة؟ الباص مو ارخص؟ طيب ليه تروح بالباص؟ طيب بتشتري اكل حلال ولا حرام؟
تروح مطاعم؟ تطبخ بنفسك؟ ليه ماتعرف؟ مين علمك؟ ليه تسوي رياضة؟ ليه ماتروح الجيم؟ ابوك فين يشتغل؟
ليه تروح المستشفى؟ ليه طيب ماتروح المستوصف؟ طيب ليه ماتشتري اي فون؟
ايش بتسمع في الاي بود؟ طيب ليه ماتسمع اغاني؟ طيب ليه ماتسمع لمشاري العفاسي؟ اصلاً ليه تشيل اي بود؟ مو اي فون احسن؟
ليه لابس جكت؟ بردان؟ طيب ليه منت لابس جكت؟ ليه لابس دبلة؟ ليه منت لابس الدبلة؟
ليش ماتشيل محفظة؟ ليه كاميراتك نيكون؟ سوني مو أحسن؟
***
…
..
.
اللهم طولك ياروح
معد اقدر اكمل ؛ اترك لكم باقي الأسئلة
راسي حينفجر ياعالم!
ليش راسك حينفجر؟ شكلك تفكر كتير، ليش؟ ايش شاغل بالك؟ طيب ليش ما تشوف لك شي يريح بالك؟ اكيد بالك مرتاح، ليش ما تشوفلك شغلة تفكر فيها؟
حلوة… بس ليش حلوة؟…
princejimi:
ههههههههه .. حلوة من غير ليه. شكلك اتفاعلت. طيب ليه اتفاعلت؟ وليه ما اتفاعلت؟
ليه فتحت مدونة أصلاً ؟؟؟؟!!!!!! LOL
—-
انا دي الاصناف أشرحها بسؤال واحد :
كم عدد شعرات رموش جفنك العلوي في العين اليسرى؟!!!!!!!!!
يعني دا السؤال هو الي ناقص ويسألوه!
ولا لما يقارنوا بينك وبين شخص تاني ..
مثلا :-
(س) راح كندا وسجل في الجامعة الفلانية انتا ليه ماسجلت فيها ؟
(س) راح المؤتمر الفلاني في نفس مدينتك ليه مارحت ؟
(س) في نفس تخصصك وفي نفس سنك واتزوج .. انتا ليه ما اتزوجت ؟
آآآآآآآآآآآآآآآآآآآآآآ انا الي حينفجر راسي!
بس فيي ناس بيسألو بحسن نية .. وعشان يبغوا يفتحو هرجة معاك ..
حوّل السؤال عليهم
Shada
المقارنة هدي من نفس الموضوع تماماً.. لكن يمكن اللي كانوا بيسألوا مايعرفوا أحد بتخصصي!
ayaneeq
مهو أنا اصلاً احتراماً لمشاعرهم نشرت تدوينة. ولا كان الكلام هذا قلته لهم! تحويل السؤال حركة ممتازة لكنها تحتاج جواب مني قبل ما أسأل..
شوف .. الحلو فدا الموضوع ..
إنه أحد المواضيع القليلة في مدونتك إللي قدرت أفهمها !
ليه ما تكتب كده دايماً ؟
هههههههههههههههه
ياسر ليش كتبت الموضوع دا اصلا !
ياخي عالم فاضية … اش تسوي فيها !
يواد وحشتنا والله فينك !
بندر
شكراً على مدح التدوينة الجديدة وانتقاد كل القديمة! عموماً ياسيدي خلاص زمان كنت المح كثير والان معد سرت احتاج المح ، ح اكون صريح و (دغرى) تأثراً بحرية الرأي في كندا!
MiLyAnI:
وحشتك ها؟ ايوا صحيح. يا شيخ أنا من هنا احذر كل من تسول له نفسه أن يمنعك من مكالمتي والرد على اتصالاتي وايميلاتي بأني لن اسكت وسأشجب!
اكتر حاجة بكرها الاسئلة
الناس ياريتهم يبطلوا لقافه
الصمت و محمد بن سالم: هذا من تدخلهم فيما لايعنيهم . لو كل واحد يطل في نفسوا حنرتاح كثير.
ههههه…أعجبني الموضوع كثيرا بل أضحكني..
و كذلك التعليقات..
صحيح ليش كتبت هدا الموضوع؟
شكلك الي سمعته و أنسألته مو قليل!!
موضوع ليس له بداية و لا نهاية..
هناك أشخاص تقابلهم فيجدو شكلك لطيف أو مظهرك يثير الفضول فيسهبوا في الأسئلة من غير حتى أن يشعروا انهم مزعجين”وزودوها”!!
و أحينا أخرى يسألون من باب فتح مواضيع فقط..و تمضية الوقت..
أو من باب الاستفسار..
و أحيانا من باب زيادة المعلومات و الثقافة التي مصدرها الرئيسي التطفل..
فقد تجد شخصا لديه خبرة في موضوع معين اكتسبها فقط من جراء تطفله و كثرة أسئلته..
“اللقافة مطلوبة في بعض الأحيان!!”
صوت الحمامة:
عرفت السر الآن! شكلي لطيف؟ محد قلي كده؟
اللي يسألوا من باب الاستفسار أنا ارحب بيهم وأعطيهم المعلومات قبل أن يسألوا عنها. مثلاِ واحد يسألني عن السكن والسيارة لأنه بيدور على سكن ويبغى يشتري سيارة. حللت الموضوع ماشاء الله عليكي من كل جوانبه..
تخيل قتلني هذا السؤال ليه متزوجه ؟؟
وبرضو بيسألوا ليه ؟؟؟
وارجع واقول لاتعليق